أروع ابو ذيات عراقيه

يصاحب لاتظن صابر على الهام
حزين وادك بجفوفي على الهام
جفوني وتركو بكلبي عللهم
وصبح حتى النفس ضايك علية
--------
العقل بامر الصديق ارجوك حكمة
وبدال النكتة خلي يكون حكمة
اليغدر صاحبة مومهم حكمة
المهم شلون نتلافة القضية
-------
بحر من طيب ياكلبك شكر بيه
كتاب من العشك جاني شكر بيه
شورطني بست خدك شكر بيه
بسته ومرض سكر صار بيه
-------
نصحت الكلب من حبك ولا فاد
وجويته بنار صدكني ولا فاد
هواي علاج جابولي ولا فاد
دواي أنت يهل مبعد عليه
---------
وحق الي محه العزه محه اللات
شفافك عسل من ربك محلات
الك على الشارع بكلبي محلات
محل حب ومحل شاعريه
---------
اكوبنومتة هنية ومرتاح وشي فاز
واكو باالحب خسران وشي فاز
وعلة هجرك اشرب بطل شيفاز
واخلي اهل العرك تحتار بية
-------
يغالي من الذهب عندي تنكتين
وفواكه عندي صدكيني تنك تين
حياتي شمالج اعليه تنكتين
اذا اتكدرين هم جذبي عليه
--------
دومك شاغل افكاري ورد بيك
حسنك مو حسن عادي ورد بيك
لافرنك وسط كلبي ورد بيك
وصيرلك مكان تعيش بيه
--------
سيف الحق يعور منسنة
وطيب وكرم نزلن منسنة
هذا الشعب شيعة منسنة
عراقيين اهل غيرة وحمية
-------
هاك الكلب بيدك حيل طحنه
امس فوك النجم واليوم طحنه
شبدينه وبالعشك ياناس طحنه
غشمه وكلوبنه تحب الاذيه
-------
سفن حبك بشواطي الروح شرعا
وسهم حبك نبت بحشاي شرعا
ردت مذهب يحلل البوسات شرعا
واذا ماكو...اردن للجاهلية
--------
إله الكون يا مدرك يا مهلك
وكالو كون اليحبك يمهلك
انه تمنيت بيت اهلي يم اهلك
وكلبي وكلبك يصيرن سويه