منتــــدى عـــام كـــل مايخـــص الشبــاب والصــبايا


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

حائض وانتى فى العشر الأواخر لاتزعلين ادخلى واقولك شسوين حتى تفوزى بليلة القدر

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

اختلف العلما ءفى مساله قراءة الحائض للقرآن وبعظهم اباح ولكن بشرط دون مس المصحف
يعنى ممكن نقرأ واحنا لابسين جوانتى (قفاز )او نقراء من كتب التفاسير او من الكمبيوتر من القرآن الفلاشى


ولو مقلقه من مساله القراءة بردة هنكسب الاجر بس عن طريق الاستماع للقرآن الكريم هنال الاجر باذن الله
وكمان نكثر من قراءة التفاسير وتدبر معانى القرآن


ثانيا الذكر
ودا بابه واسع وثوابه كبير جدا

1- اذكار الصباح والمساء كامله

2- التسبيح والتحميد والتهليل والتكبير والحولقة ( سبحان الله - الحمد لله - لااله الا الله - الله أكبر - لاحول ولا قوة الا بالله - سبحان الله وبحمده - سبحان الله العظيم وبحمده - سبحان الله وبحمده سبحان الله العظيم - لا اله الا الله وحده لاشريك له له الملك وله الحمد وهو على كل شيئ قدير - لا اله الا انت سبحانك انى كنت من الظالمين )

( سبحان الله عدد ماخلق سبحان الله ملء ما خلق سبحان الله عدد مافى الارض والسماء سبحان الله ملء ما فى الارض سبحان الله ملء ما أحصى كتابه سبحان الله عدد كل شيئ سبحان الله ملء كل شيء وكذلك الحمد لله )


3- الصلاة على النبى
خاصا بالصيغة الابراهيميه بتاعت التشهد
قال رسول الله صلى الله وعليه وسلم ((من صلى علي صلاة واحدة صلى الله عليه عشر صلوات وحط عنه عشر خطيئات ورفع له عشر درجات)) رواه أحمد والنسائي .

4- الاستغفار
(استغفر الله العظيم - استغفر الله وأتوب اليه - استغفر الله الذى لااله الا هو الحى القيوم وأتوب اليه - ودعاء سيد الاستغفار )

5- حسبى الله ونعم الوكيل

وهنشر ح ثواب كل حاجة فيهم بعد كدا بالتفصيل بس عاوزين نجتهد جدا فى الذكر يعنى كل ذكر من 1000 لاكثر ان شاء الله

ودا موقع التسبيح الالكترونى بس الافضل التسبيح باليد كما فى الصور الاخيرة


ثالثا الدعاء

هنكثر من الدعاء ربنا وسؤاله من خير الدنيا والاخرة ومننساش ندعو للامة الاسلاميه كلها والدعاء من افضل العبادات
وهندعو فى كل وقت خاصا وقت السحر قبل الفجر هنقوم ونستغفر وندعى ربنا كتيرر


رابعا الصدقة
عاوزين يبقى لينا كل يوم صدقة فى العشر الاواخر ولو بقليل وربنا يتقبل سرا وعلانيه
طيب معناش فلوس تبسمك فى وجه اخيك صدقة * اماطة الاذى صدقة


خامسا الصلاة
طبعا مفيش صلاة بس مننساش سماع الاذان وترديدة والدعاء بين الاذان والاقامة وكمان الوقت اللى كنا بنصلى فيه
هنخليه وقت للذكر والاستغفار ونشجع كل اللى فى البيت على الصلاة والنوافل ونحتسب الاجر كمان

سادسا التراويح
طبعا مفيش تراويح ممكن تتبرعى كدا تاخدى اولاد جارتك اختك صحبتك عشان تروح هى التراويح وانتى تاخدى الاجر والثواب او تروحى فى مكان بيصلوا فيه خارج المسجد واقعدى عشان تنال البركة وتؤمنى على دعاء الامام
او فى بيتك وقتها اذكرى الله واقعدى اقراى القران من الكمبيوتر او زى ما قلنا

سادسا الصيام
طبعا مفيش صيام هنعمل ايه هنجهز الأكل ونحتسب اجر افطار الصائمين و ممكن نعمل عزومات للاهل والفقراء والجيران ونحتيب كل دا تفطير صائمين وبكدا هناخد الاجر والثواب ان شاء الله

سابعا اتباع سنن النبى

فى جميع الاحوال الاكل والشرب والنوم والاستيقاظ وعند تحضير السحور ونحتسب طبعا الاجر والثواب


تاسعا الدعوة الى الله

وانتى قاعدة على النت احتسبى الاجر بعمل مشاركات مفيدة ولو ربنا فاتحها عليكى اشترى مطويات وشرائط وكتبيات صغيرة ووزعيها واحتسبى الاجر والثواب ولو حتى بتليفون لاصحابك واقاريبك وشجعيهم على استغلال العشر الاواخر والكلمة الطيبه صدقة ومن دل على خير فله اجور من اتبعه


عاشرا أعمال الخير:

ابواب الخير متنوعه وكل بابا له اجر عظيم ان شاء الله

- صله الرحم وبر الوالدين والاقارب دا مهم جدا زيارات وتليفونات وعزومات والمتزوجه كمان تتودد الى زوجها وتبره عشان تنال الاجر ان شاء الله
- زيارة المرضى شوفى حد من اقاربك مريض زوريه وادعيله واحتسبى اجر زيارة المريض ولو مفيش زورى المستشفيات منه تقدرى تتصدقى ومنه كمان زيارة مريض وكمان ممكن دور الايتام والعجزة وطبعا مع احتساب الاجر والثواب
- وكمان ياريت تتركى الكدب والغيبة والنميمية والغضب عشان دى بتاكل الحسنات وتتفكرى فى الكون وفى خلق الله ودى كمان عبادة




اظن بعد كدا اوعى تزعلى ان الدورة جتلك ابواب الخير مفتوحة ولو صدقت نيتك هتنالى اجر العشر الاواخر واجر ليله القدر باذن الله
وكمان عندى ليكى مفاجئة فى النهايه
ان كل العبادات اللى كنتى بتعمليها قبل ما تبقى حائض من صلاة وسنن وقيام ربنا بيكتبهولك ان شاء الله
ورد عن ابى موسى الاشعرى ان رسول الله قال " اذا مرض العبد المسلم أو سافر كتب له ماكان يعمل وهو صحيح مقيم " رواه البخارى والبيهقى



اذا عجبك موضوعى ادعيلى ربنا يشفينى ويرزقنى بالذرية الصالحة

اللهم انك عفو كريم تحب العفو فاعفو عنا

cheers cheers cheers alien alien


معاينة صفحة البيانات الشخصي للعضو http://ahhaa.hooxs.com

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى